[可能係史上最Sweet既微劇]《一線鍾情》李敏鎬 x LINE

 

LINE熱潮停不了!! 呢頭LINE既旋風襲港剛告一段落, 個頭馬上就打到去中國大陸! LINE今次搞搞新意思, 搵來於在中國極具人氣的「韓國男神」李敏鎬夥拍台灣女星郭碧婷攜手譜出異國戀曲!!

 

一連三集的《一線鍾情》(일선 좋아진다)是由《來自星星的你》製作團隊和韓國最強的浪漫電視劇拍攝團隊共同合作, 故事講述李敏鎬飾演音樂製作人, 在尋找創作靈感時, 遇上了中國觀光客郭碧婷, 俊男美女相遇, 例牌要擦出「愛的火花」. 整套短劇就主要在send sticker, 收sticker和王子與灰姑娘, 童話故事式的言情小說情節中渡過。

 

雖則此劇商業味濃, 但勝在有靚仔+靚女+靚狗+靚景+靚歌+純情+浪漫+唯美+搞笑+可愛, 集N多個觀眾最喜愛的元素於一身, 而且故事情節又sweet到漏油, 實在無得輸!! 仲有Cute爆既LINE sticker串連了情節, LINE的不同功能也融入劇中, 成功製造話題之餘, 亦將LINE推而廣之, 打入內地市場!
 

睇完3集還有點意猶未盡~ 每集大約15分鐘, 等車塔車既時間已可睇完, 真心推介大家看看! 如果你也喜歡這個微劇, 不妨到LINE下載《一線鍾情》特別版sticker, 重溫劇中的經典場景!!

碎碎唸: 點解男主角講韓文, 女主角講國語, 只係用LINE sticker已經可以溝通零障礙……??? =.=

在線觀看:

《一線鍾情》第1集: http://youtu.be/cpGwQwG4xZc

《一線鍾情》第2集: http://youtu.be/JJcPnY-r0M4

《一線鍾情》第3集: http://youtu.be/_GwSEIRLSj0

歡迎前往小妹Facebook一齊討論: https://www.facebook.com/flyingcloudx

抵抵抵之13kcal Energy Water!?

話說今日放工去CWB上堂時經過阿信屋，見佢終於裝左凍櫃，當然要入去望下~ 

 馬上發現targer! 就係呢樽來自日本既"Sports Water"~!

第一眼就被"100ml 13kcal"字眼吸引住，成枝飲晒都係65kcal，飲完都無罪惡感~
第二眼望到就係"$4.X"既超抵價錢，平過買枝水！！
 
好了， 那味道又如何呢？ 唔。。。可謂不過不失~有飲開energy drink 既朋友都知道呢類飲品普遍偏甜，而這款"Energy Water" 味道偏淡，就好似寶礦力的淡味版，出奇地合我既口味~Like!! 

 如果大家行到身水身汗又經開阿信屋, 不防買枝試下，飲完唔會口渴，最緊要係放低$5仲有找！！*\^_^/*





歡迎前往小妹Facebook一齊討論: https://www.facebook.com/flyingcloudx